ಗಾನ ಪುಷ್ಪ
ಗಾನ ಪುಷ್ಪಗಳಿಂದ ಅರ್ಚನೆಯ ಮಾಡುವೆವು
ಮಾನಾಭಿಮಾನವ ಕಾಪಾಡು ದೇವ
ಆಡೊ ಹುಡುಗರು ನಾವು ಹಿರಿತನ ಬೇಕಿಲ್ಲ
ಒಡವೆಗಳಗೊಡವೆ ನಮಗಂತು ಇಲ್ಲ
ಹಾಡುಹೋಗಳ ನಡುವೆ ನಿನ್ನನ್ನು ಪೂಜಿಪೆವು
ಮೋದಕಾ ಪ್ರಿಯ ಸ್ವಾಮಿ ನಮ್ಮನ್ನು ಪೊರೆಯೋ
ಗಾನ ಪುಷ್ಪಗಳಿಂದ ಅರ್ಚನೆಯ ಮಾಡುವೆವು
ಮಾನಾಭಿಮಾನವ ಕಾಪಾಡು ದೇವ
ಅರಿವಿನಾ ಹರವಿಲ್ಲ ಬುದ್ಧಿಯಾ ಬಲವಿಲ್ಲ
ಸಿರಿಕಂಠವೇ ನಮ್ಮ ಸಿರಿತನಾವೆಲ್ಲ
ಹರಪುತ್ರನೇ ನಿನ್ನ ಕರಮುಗಿದು ಬೇಡುವೆವು
ವರವಿನಾಯಕ ನಮ್ಮ ಹರಸು ತಂದೇ
ಗಾನ ಪುಷ್ಪಗಳಿಂದ ಅರ್ಚನೆಯ ಮಾಡುವೆವು
ಮಾನಾಭಿಮಾನವ ಕಾಪಾಡು ದೇವ
ಇಂಪಾದರೂ ಕಿವಿಗೆ ಕೋಗಿಲೆಗಳಾ ಹಾಡು
ಅರಿವಿಲ್ಲವೇ ನಿನಗೆ ಪರಪುಟ್ಟರಾ ಪಾಡು
ವನಸುಮಗಳು ನಾವು ಮನವಿಟ್ಟು ಹಾಡುವೆವು
ಗಾನಪ್ರಿಯ ಗಣಪತಿಯೆ ಕಾಪಾಡು ದೊರೆಯೇ
ಗಾನ ಪುಷ್ಪಗಳಿಂದ ಅರ್ಚನೆಯ ಮಾಡುವೆವು
ಮಾನಾಭಿಮಾನವ ಕಾಪಾಡು ದೇವ
Thursday, August 24, 2006
Subscribe to:
Post Comments (Atom)
2 comments:
ವರಸಿದ್ಧಿವಿನಾಯಕನಿಗೆ ತುಂಬಾ ಒಳ್ಳೆಯ ನೈವೇದ್ಯವನ್ನೇ ಅರ್ಪಿಸಿದ್ದೀರಿ ಸಾರ್. ನಿಮ್ಮ ಹಳೆಯ ಕವನಗಳೆಲ್ಲವನ್ನೂ ಇಲ್ಲಿ ಹಾಕಿರಿ.
ತುಂಬಾ ಚೆನ್ನಾಗಿದೆ ಸಾರ್. ಮತ್ತೆ ಮತ್ತೆ ಓದಬೇಕೆನಿಸುತ್ತಿದೆ. ಹಾಡುಗಾರರಿಗೆ ಹಾಡಬೇಕಿನಿಸುತ್ತದೆ.
ಹೌದು ಸರ್,
ಇದು ಹಾಡಲು ತುಂಬಾ ಚೆನ್ನಾಗಿದೆ.ಈ ಹಾಡನ್ನು ನನ್ನ ಪತ್ನಿ ಸಹ ಗಾಯಕರೊಂದಿಗೆ ಅನೇಕ ವೇದಿಕೆಗಳಲ್ಲಿ ಹಾಡಿದ್ದಾರೆ.ಚಿಕ್ಕ ಹುಡುಗರು ಹಾಡಿದರೆ ತುಂಬಾ ಚೆನ್ನಾಗಿರುತ್ತದೆ ಎಂದು ನನ್ನ ಭಾವನೆ.
ಢನ್ಯವಾದಗಳು ಸರ್,
Post a Comment